Amerikada chop etiladigan Travel + Lesure nomli sayyohlar jurnali o‘zining salkam 200 ming o‘quvchisi ishtirokida dunyodagi 266 ta shahar orasidan eng mehmonnavozini tanladi. Ro‘yxatning birinchi uchligiga Irlandiyaning biryo‘la ikki shahri —Goluey (birinchi o‘rin) va Dublin (uchinchi o‘rin) kirdi. Ikkinchi o‘rin esa AQShning Janubiy Karolina shtatidagi Charlston shahriga nasib etdi. Bu haqda “RBK” xabar bermoqda.
Jurnal sayyohlarni xushlamaydigan shaharlar ro‘yxatini ham tuzgan. Undagi dastlabki o‘rinlarda Rossiyaning ikki shahri—Moskva (birinchi o‘rin) va Peterburg (uchinchi o‘rin) joylashgan. Moskva bunday nomga yo‘ldagi tiqinlar, taomlanish borasidagi muammolar va mahalliy aholini sayyohlarga yordam berishni istamasligi tufayli “erishgan” bo‘lsa, Peterburg, garchi me’moriy obidalari barchada hayrat uyg‘otsa-da, aholining mezbonlik qoidalaridan bexabarligi sababli sayyohlarga ma’qul kelmagan.
Ro‘yxatning ikkinchi o‘rnida AQShning Nyu-Jersi shtatidagi Atlantik-siti shahri qayd etilgan. Jurnal o‘quvchilarining fikricha, ushbu shahardagi odamlarning muomalasi o‘ta qo‘pol ekan.
Izoh (0)