BeIN Sports jurnalisti Tankredi Palmeri “Barselona” va Argentina terma jamoasi hujumchisi Lionel Messi Amerika kubogi – 2015 musobaqasining eng yaxshi futbolchisiga beriladigan sovrinni olishni istamaganini ma’lum qildi. Bu haqda “Sports.ru” nashriga tayanib, “Arena.uz” xabar qilmoqda.
“G‘aroyib. Messi Amerika kubogi – 2015 ning eng yaxshi futbolchisiga beriladigan sovrinni olishni istamadi, sababi JCh—2014 dagi kabi kamsitishlarini xohlamagan.
Aynan shu tantanali marosimning o‘n daqiqaga kechikishiga sabab bo‘ldi. Musobaqa tashkilotchilari Messini ko‘ndirishga urindi, stadiondagilar esa tanaffus sababini tushunmay hayron bo‘ldi”, – deb yozgan Palmeri Twitter tarmog‘idagi sahifasida.
Eslatib o‘tamiz, Argentina musobaqa finalida Chilidan penaltilar seriyasida mag‘lubiyatga uchragandi.
Amerika kubogining 6 uchrashuvida Messi 1 gol va 3 golli pasga mualliflik qilgan.
Izoh (0)