AQSh tomonidan korrupsiyada shubha qilinayotgan FIFA vitse-prezidenti, Shimoliy hamda Markaziy Amerika va Karib dengizi mamlakatlari futbol konfederatsiyasining (KONKAKAF) sobiq rahbari Jeffri Uebb vatani Kayman orollarida ham firibgarlikda ayblandi: Buyuk Britaniyaning dengiz ortidagi hududi bo‘lmish orol ma’murlari amaldorni qamoqqa olish uchun order berdi. Bu haqda Sky Sports’ga tayanib, “TASS” xabar bermoqda.
Uebb Shveysariyaning Syurix shahrida 27-may kuni mahalliy politsiya tomonidan AQSh so‘roviga ko‘ra qo‘lga olingan FIFAning 7 nafar amaldori orasida edi. Kayman orollarida u ishonchni suiiste’mol qilish va mulkni noqonuniy o‘zlashtirishda ayblanmoqda.
Uebb 2012-yilda KONKAKAF prezidenti etib saylangan. Syurixda hibsga olingach, tashkilot ijroiya qo‘mitasi uni ishdan chetlatdi.
Izoh (0)