Toshkentning “Lokomotiv” va Angliyaning “Flitvud Taun” jamoalari o‘rtasidagi hamkorlik kelishuvi doirasida “temiryo‘lchilar”ning ikki tarbiyalanuvchisi avgustda Britaniyaga yo‘l oladi. Bu haqda “Championat.asia” xabar bermoqda.
Ikki klub o‘rtasidagi hamkorlikni rasmiylashtirish uchun Toshkentga tashrif buyurgan “Flitvud Taun” vakillari “Lokomotiv” yoshlari ishtirokidagi o‘yinni kuzatib, darvozabon Rustam Nortojiyev bilan himoyachi Sergey Proxorovni Angliyaga olib ketishga qaror qildi.
Har ikki futbolchi 1996-yilda tug‘ilgan bo‘lib, olti oyga Angliyaga yo‘l oladi va “Flitvud Taun” safida “Manchester Yunayted”, “Liverpul”, “Everton” singari mashhur klublar o‘rinbosarlariga qarshi o‘yinlarida maydonga tushadi.
Ma’lumot uchun, “Flitvud Taun” Angliya birinchi divizionida ishtirok etuvchi klubdir.
Izoh (0)