Afg‘oniston poytaxti Kobulda terrorchi-kamikadze NATO tarkibiga kiruvchi chet ellik harbiylar konvoyiga hujum qildi. Bu haqda RBC.ru xabar bermoqda.
Agentlikning mahalliy politsiya va xavfsizlik xizmatiga asoslanib aniqlik kiritishicha, hujum aeroportdan AQSh elchixonasiga olib boruvchi yo‘lda yuz bergan.
NBC News’ning Afg‘oniston ichki ishlar vazirligiga asoslanib qayd etishicha, portlash bomba o‘rnatilgan avtomobil yordamida amalga oshirilgan. Vazirlik ma’lumotlari bo‘yicha, hodisa natijasida qurbon bo‘lganlar bor.
NBC News’ning yozishicha, NATO hujum ro‘y berganini tasdiqlagan, biroq tashkilot bosh kotibi hujumga uchragan karvon aynan qaysi mamlakatga tegishli ekanligiga aniqlik kiritmagan. Reuters ma’lumotlariga ko‘ra, hodisadan so‘ng yo‘l yopilgan, NATO harbiy texnikasiga esa zarar yetgan.
Izoh (0)