Афғонистон пойтахти Кобулда террорчи-камикадзе НАТО таркибига кирувчи чет эллик ҳарбийлар конвойига ҳужум қилди. Бу ҳақда RBC.ru хабар бермоқда.
Агентликнинг маҳаллий полиция ва хавфсизлик хизматига асосланиб аниқлик киритишича, ҳужум аэропортдан АҚШ элчихонасига олиб борувчи йўлда юз берган.
NBC News’нинг Афғонистон ички ишлар вазирлигига асосланиб қайд этишича, портлаш бомба ўрнатилган автомобиль ёрдамида амалга оширилган. Вазирлик маълумотлари бўйича, ҳодиса натижасида қурбон бўлганлар бор.
NBC News’нинг ёзишича, НАТО ҳужум рўй берганини тасдиқлаган, бироқ ташкилот бош котиби ҳужумга учраган карвон айнан қайси мамлакатга тегишли эканлигига аниқлик киритмаган. Reuters маълумотларига кўра, ҳодисадан сўнг йўл ёпилган, НАТО ҳарбий техникасига эса зарар етган.
Изоҳ (0)