Indoneziyaning Medan shahridagi mehmonxona ustiga Hercules C-130 harbiy samolyoti qulashi oqibatida halok bo‘lganlar soni 38 kishiga yetdi, deb xabar beradi “RIA Novosti”.
Oldinroq 30 kishi halok bo‘lgani xabar qilingandi.
“Biz 38 ta jasadni topdik, ular orasida bir bola ham bor”, — dedi Medan shifoxonasining qutqaruv xizmati vakili Eko Triandi. Kasalxona vakili halokat joyida yana qurbonlar borligini ta’kidlagan.
Samolyot Medandagi harbiy bazadan Natuna oroliga yo‘l olayotgan bo‘lgan. Guvohlarning so‘zlariga ko‘ra, samolyot mehmonxona ustida portlab ketgan. C-130 parchalari ikkita uy va elektruzatish simlariga zarar yetkazgan.
Dastlabki xabarlarga ko‘ra, samolyot bortida 12 nafar ekipaj a’zosi hamda yo‘lovchilar bo‘lgan. Yo‘lovchilar necha kishini tashkil qilgani hozircha aniq emas. Uchuvchilar havo kemasida qandaydir muammoni payqagan va bazaga qaytishga qaror qilgan. Samolyot bazadan 5 kilometr uzoqlikda ortiga qayrilgan, shundan so’ng halokatga uchragan.
Izoh (0)