Tadbirkor va Xalqaro qilichbozlik federatsiyasi prezidenti Alisher Usmonov Rossiya prezidenti Vladimir Putinni 2015-yil 13—20-iyul kunlari Moskvada o‘tkaziladigan qilichbozlik bo‘yicha jahon chempionatiga taklif qildi, deb xabar beradi “RIA Novosti”.
Davlat rahbari bilan uchrashuv chog‘ida Usmonov 2008-yilda Xalqaro qilichbozlik federatsiyasiga prezident etib saylangani va qatorasiga ikkinchi yil Rossiya terma jamoasi jahon chempionatlarida umumjamoa hisobida birinchi o‘rinni egallayotganini eslatib o‘tdi.
“Shu yili Moskvada 13-iyuldan 20-iyulgacha jahon chempionati o‘tkaziladi. Sizni mamnuniyat bilan unga taklif qilamiz. Sizga shuni ma’lum qilmoqchimanki, Xalqaro olimpiya qo‘mitasi prezidenti Tomas Bax ham bizning jahon chempionatimizga tashrif buyurmoqchi. Negaki, baxtimizga u ham bizning Federatsiyamiz a’zosi, qilichboz, o‘tmishdagi olimpiya chempioni hisoblanadi”, — dedi Usmonov.
Izoh (0)