Germanwings aviakompaniyasining A320 yo‘lovchi laynerini Fransiya Alp tog‘larida qasddan halokatga uchratgan uchuvchi Andreas Lyubitsning dafn marosimi Germaniyada jamoatchilikdan maxfiy ravishda bo‘lib o‘tdi, deya xabar bermoqda “TASS” Bild gazetasiga tayanib.
Dafn marosimi 27-iyun, shanba kuni Montabaur shahrida o‘tkazildi. Buning uchun mahalliy hukumat qabristonni uch soatga yopib turish haqida qaror qabul qildi.
Qabrga o‘rnatilgan xochga uchuvchining to‘liq ism-sharifi o‘rniga, ismining Endi deb qisqartirilgan shakli tushirildi.
Germanwings aviakompaniyasining Ispaniyadan Germaniyaga uchib ketayotgan A320 samolyoti 24-mart kuni Fransiya janubidagi tog‘li hududda halokatga uchragandi. Uning bortida bo‘lgan barcha – 144 yo‘lovchi va ekipajning olti a’zosi halok bo‘lgan.
Izoh (0)