Rossiya prezidenti Vladimir Putin Qrim prokurori Natalya Poklonskayaga 3-sinf yustitsiya davlat maslahatchisi mansabini berdi, deb yozadi “Gazeta.ru”.
Ta’kidlanishicha, hujjat huquqiy axborot rasmiy portalida e’lon qilingan.
Xabarda aytilishicha, prokuratura ishchisining ushbu mansabi general-mayor unvoniga to‘g‘ri keladi. Bungacha Poklonskaya yustitsiya katta maslahatchisi bo‘lgan (u polkovnik unvoniga to‘g‘ri keladi).
Eslatib o‘tamiz, Natalya Poklonskaya 2014-yil martida Qrim prokurori etib tayinlanganidan so‘ng yapon internet foydalanuvchilari orasida mashhur bo‘lib ketgan edi.
Keyinroq Poklonskaya qisqacha intervyu berib, Kiyev siyosiy yetakchilarining harakatlarini konstitutsiyaga qarshi keskin burilish va hukumatni qurol bilan qo‘lga olish, deb baholagan edi.
Izoh (0)