Agar Turkiya prezidenti Rajab Toyib Erdo‘g‘an konstitutsiyada belgilab qo‘yilgan vakolatlari chegarasida harakat qiladigan bo‘lsa, kurdlarning Xalq demokratik partiyasi (XDP) boshqa partiyalar, jumladan, hukmron Adolat va taraqqiyot partiyasi (ATP) bilan birgalikda koalitsion hukumatni shakllantirishda ishtirok etishga tayyor. Bu haqda Korrespondent.net xabar bermoqda.
XDP yakshanba kuni bo‘lib o‘tgan Turkiya parlamenti saylovlarida muvaffaqiyatli ishtirok etib, saylovchilarning 13 foiz ovozini qo‘lga kiritib, 80ta deputatlik o‘rniga ega chiqdi.
Turkiya bosh vazir Ahmet Davuto‘g‘luning so‘zlariga ko‘ra, u rahbarlik qilayotgan ATP koalitsion vazirlar mahkamasini tashkil etishga tayyor, biroq, uning fikricha, koalitsiya Turkiya uchun maqbul siyosiy model emas.
Davuto‘g‘luning qayd etishicha, 1970-1980-yillardagi koalitsiyalar bu model Turkiya uchun o‘zining maqbul emasligini namoyish etib bo‘lgan.
Shunga qaramay, 40 foiz ovozni qo‘lga kiritib, parlamentdagi 258 o‘ringa ega chiqqan ATP koalitsiya uchun hamkor izlashga majbur, chunki mutlaq ko‘pchilik o‘rnini boy berdi.
Saylov natijalariga ko‘ra, so‘llar va millatchilar mos ravishda 25 foiz (132 deputatlik o‘rni) va 16 foiz (80 deputatlik o‘rni)ni qo‘lga kiritdi.
Izoh (0)