AQSh prezidenti Barak Obamaning turmush o‘rtog‘i – Mishel Obama ayollar uchun mo‘ljallangan More jurnali yozgi sonlarining taklif qilingan muharririga aylandi. Bu haqda “RIA Novosti” xabar bermoqda.
Obama xonim muharrirlik qilgan jurnalning iyul-avgust sonlari 23-iyun kuni AQSh matbuot do‘konlarida paydo bo‘ladi. Mamlakat birinchi xonimining surati jurnalning muqovasiga joylashtirilgan.
“Shu vaqtgacha mamlakat birinchi xonimi jurnalning taklif qilingan muharriri sifatida ishlamagandi, bundan tashqari, amaldagi AQSh prezidentining turmush o‘rtog‘i hech qachon muharrirlik qilmagandi”, - dedi More bosh muharriri Lesli Jeyn Seymur.
“U so‘nggi lahzagacha har bir sahifani o‘qib chiqdi va tuzatishlar kiritishni so‘radi. U hammasini ma’qullashi va ko‘p narsalarni taklif qilishi kerak edi”, - dedi Seymur.
More bosh muharririning qo‘shimcha qilishicha, AQSh prezidentining turmush o‘rtog‘i jurnalga bepul muharrirlik qilgan.
Izoh (0)