Rossiya Afrika mamlakatlarining 20 milliard dollardan ziyod qarzidan kechilishiga imkon yaratdi, deya xabar bermoqda “Vedomosti” tashqi siyosiy idoraga tayanib.
“Ham mavjud xalqaro mexanizmlar, ham ikki tomonlama asosda Afrikaga yordam berishni yoqlab chiqamiz”, — deyiladi Rossiya tashqi ishlar vaziri Sergey Lavrovning kelayotgan Afrikani ozod etish kuniga bag‘ishlangan murojaatida. Uni vazir o‘rinbosari, prezidentning Afrika va Yaqin Sharq bo‘yicha maxsus elchisi Mixail Bogdanov o‘qib eshittirdi.
“Rossiya Afrika davlatlari qarzlaridan kechish jarayonida yetakchi o‘ringa ega. Ayni paytga kelib, Rossiyaning katta qarzlarga ega eng qashshoq mamlakatlarga ko‘mak berish tashabbusi doirasida Afrika davlatlarining asosiy qarzi — 20 milliard dollardan kechildi”, — deyiladi murojaatda.
Izoh (0)