Россия Африка мамлакатларининг 20 миллиард доллардан зиёд қарзидан кечилишига имкон яратди, дея хабар бермоқда «Ведомости» ташқи сиёсий идорага таяниб.
«Ҳам мавжуд халқаро механизмлар, ҳам икки томонлама асосда Африкага ёрдам беришни ёқлаб чиқамиз», — дейилади Россия ташқи ишлар вазири Сергей Лавровнинг келаётган Африкани озод этиш кунига бағишланган мурожаатида. Уни вазир ўринбосари, президентнинг Африка ва Яқин Шарқ бўйича махсус элчиси Михаил Богданов ўқиб эшиттирди.
«Россия Африка давлатлари қарзларидан кечиш жараёнида етакчи ўринга эга. Айни пайтга келиб, Россиянинг катта қарзларга эга энг қашшоқ мамлакатларга кўмак бериш ташаббуси доирасида Африка давлатларининг асосий қарзи — 20 миллиард доллардан кечилди», — дейилади мурожаатда.
Изоҳ (0)