Hindiston sharqidagi G‘arbiy Bengaliya shtatida joylashgan pirotexnika mahsulotlarini ishlab chiqarish zavodida portlash ro‘y berdi. Bu haqda “TASS” xabar bermoqda.
Xabar berishlaricha, hodisa natijasida kamida 11 kishi halok bo‘lgan, 7 kishi tan jarohati olgan.
“Jabrlanuvchilar juda og‘ir ahvolga kasalxonaga olib kelingan, qurbonlar soni yanada oshishi mumkin”, - deydi tuman politsiya bo‘linmasi boshlig‘i Bharati Gosh.
Portlash sabablari hozircha noma’lum. Korxona rahbari Rajan Mayti hodisadan xabar topganidan so‘ng, bedarak yo‘qolgan. Hozirgi vaqtda uni politsiya qidirmoqda.
Voqea guvohiga aylangan mahalliy aholi vakillarining so‘zlariga ko‘ra, portlash vaqtida zavodda nisbatan ko‘p odam bo‘lgan.
Izoh (0)