Saudiya Arabistoni harbiy havo kuchlari 6-may, chorshanba kuni Yaman shimolidagi Saada viloyatiga 150 dan ortiq zarbalar berdi, deb xabar qiladi “TASS”.
Yamandagi qabilalardan birining vakili Hasan Abu Hadra so‘zlariga ko‘ra, bombardimonlarga qaramay, qurollangan ko‘ngillilar otryadi Jizan va Najran chegara tumanlarida o‘z pozitsiyalarini ushlab turibdi. Abu Hadra yaqin soatlar ichida televideniye orqali “Yamanning shahar va qishloqlariga o‘t ochgan” saudiyalik harbiy asirlarni namoyish qilishga va’da berdi.
Ar-Riyoddagi harbiy manba 6-may kuni chegaradagi otishmalarda saudiyalik 5 nafar harbiy halok bo‘lgani va 11 kishi yaralanganini xabar qildi. SABA axborot agentligi o‘z navbatida hujumlar davomida Saada shahrida 34 kishi halok bo‘lgani va 8 kishi yaralanganini ma’lum qildi. Agentlik ma’lumotlariga ko‘ra, qurbon bo‘lgan va yaralanganlar orasida ayollar va bolalar bor.
Sanadan janubdagi Damar ma’muriyatidan 11 kishining qurbon bo‘lgani haqida ma’lumot kelgan. Havo reydlari Marib viloyatidagi xusiylar egallab olgan neft obyektlariga ham uyushtirildi.
Izoh (0)