Koreya Respublikasi avvalroq Pxenyanga Koreyalararo muzokaralar boshlanishiga dastlabki shart sifatida joriy etgan sanksiyalarini bekor qilmoqchi emas. Bu haqda Koreyaning birlashuv ishlari bo‘yicha vazirligi rasmiy vakili ma’lum qildi, deb yozadi “TASS”.
“Shimoliy Koreyaning o‘ziga qarshi bir tomonlama tartibda kiritilgan sanksiyalarni bekor qilish va shundan keyingina muzokaralarni boshlash talabi bizga nomaqbul”, — deya ta’kidladi u.
Eslatib o‘tamiz, avvalroq KXDR Seuldan 2010-yili Janubiy Koreyaning “Chxonan” korveti halokatga uchraganidan so‘ng Pxenyanga nisbatan joriy etilgan “24-may” sanksiya choralarini bekor qilishni talab etgan edi.
Arizada ta’kidlanishicha, Pxenyan “KXDR aloqador bo‘lmagan ushbu hodisa yuzasidan uzr so‘rash niyati yo‘q”. “Agar Seul ‘24-may’ choralarini saqlab qolish ustida qat’iy turib olsa, KRning hozirgi hukumati ham Li Myon Bak kabi Koreya xalqi xoinlari deb hisoblanadi”, — deya ogohlantirdi qo‘mita vakili.
2010-yil 24-may kuni Koreya respublikasining o‘sha vaqtdagi prezidenti Li Myon Bak KXDR “Chxonan” korveti cho‘kib ketgani yuzasidan aybni o‘z bo‘yniga olmagani uchun Shimol va Janub o‘rtasidagi har qanday hamkorlik shaklini taqiqlovchi choralarni kiritgan edi.
Izoh (0)