Amerikaning Florida shtatidagi Eyvon Park shahrida yashovchi ayol garovga tushib qolganidan so‘ng, pitssa yetkazib berish xizmati dasturi yordamida politsiya chaqirdi, deb xabar qiladi ABC News.
Telekanal xabariga ko‘ra, 25 yoshli Sheril Tredueyni o‘z hamxonasi, uch bolasining otasi 26 yoshli Etan Nikerson garovga olgan. Janjaldan keyin Etan ayolning telefonini olib qo‘ygan va pichoq bilan tahdid qilgan. Politsiya ayol bolalari bilan bir kun davomida asirda bo‘lganini xabar bergan.
Bir necha soat asirlikdan so‘ng Treduey bolalar och qolganini ro‘kach qilib, Nikersonni pitssaga buyurtma berishga ko‘ndiradi. Ayol “911, asira, yordam!” deb buyurtmaga izoh qoldirgan. Pitssa yetkazib berish xizmati xodimi ayolning xabarini payqab qoldi va politsiya chaqirdi. “Men bu yerda 28 yildan beri ishlayman va bunaqa ishni hech qachon ko‘rmaganman”, — dedi muassasa menejeri Kendi Hemilton.
Tartib saqlash xodimlari voqea joyiga yetib keldi. Treduey bir bolasi bilan uydan qochib chiqishga ulgurdi. Ikki farzandi esa otasi bilan qolib ketdi. Olib borilgan muzokaralardan so‘ng Nikerson politsiyaga taslim bo‘lishga rozi bo‘ldi. Erkakka o‘g‘irlik, qurolli hujum va adolat ishiga qarshilik qilish ayblari qo‘yildi.
Izoh (0)