Kim Chen In KXDR shimolidagi muqaddas tog‘ cho‘qqisini zabt etdi. Bu haqda Kommersant.ru xabar bermoqda.
Kim Chen In cho‘qqida bir guruh uchuvchilar bilan suratga tushdi va ular oldiga mamlakat qurolli kuchlari jangovar tayyorgarligini oshirish vazifasini qo‘ydi.
Mart oyi oxirida Kim Chen In Koreya xalq armiyasi harbiy-havo kuchlari va harbiy-dengiz kuchlari mashg‘ulotlariga boshchilik qilgandi.
Mashg‘ulotlar vaqtida KXDR yetakchisi mamlakat “har qanday, jumladan, yadroviy urushga ham qarshi tura olishini” ma’lum qilgandi.
Xabar berishlaricha mashg‘ulotlar davomida harbiy-havo kuchlari va harbiy-dengiz kuchlari, xususan, suvosti kemalari vositasida ehtimoliy dushmanning aviatashuvchi kemasiga kutilmagan zarba berish ko‘nikmalarini oshirishga alohida e’tibor qaratilgan.
Izoh (0)