AQSHning Kaliforniya shtatida ishchilar guruhi tasodifan gaz quvuriga zarar yetkazdi. Natijada yuz bergan yong‘in va portlashdan 15 kishi jabrlandi. Bu haqda RBC.ru xabar bermoqda.
Ekskavator Tinch okeani gaz va elektr kompaniyasi (Pacific Gas & Electric Corp)ga tegishli 12 dyuym (30 santimetr)li gaz quvuriga tegib ketishi natijasida yong‘in yuz bergan, hodisa yaqinida bo‘lgan ishchilar og‘ir darajadagi kuyish jarohatlarini olishgan. Jabrlanuvchilardan birining ahvoli og‘ir ekanligi aytilmoqda.
Xuddi shu kuni Texas shtatida yashin urishi oqibatida neft to‘la sisternalar portlab ketgan. Mahalliy OAVning ma’lum qilishicha, hodisa mahalliy vaqt bilan juma kuni tongda ro‘y bergan.
Yashin Shale Tank Truck kompaniyasiga tegishli, neft va tuzli suv bilan to‘ldirilgan 12ta sisternaga kelib urilgan. Sisternalar yonib, portab ketgan. Hodisa natijasida hech kim jabrlanmagani aytilmoqda.
Izoh (0)