Rossiya prezidenti Vladimir Putin Rossiya Amerika xalqi 2016-yildagi bo‘lajak saylovlarda saylaydigan AQShning har qanday prezidenti bilan hamkorlik qilishga tayyorligini aytdi, deb yozadi “Kommersant”.
“Men an’anaviy tarzda javob beraman. Biz Amerika davlatining Amerika xalqi saylaydigan har qanday rahbari bilan ishlashga tayyormiz. Biz dunyodagi eng yirik va eng ta’siri katta bo‘lgan mamlakat bilan hamkorlik qilmoqdamiz”, — deya ta’kidladi Vladimir Putin Rossiya televideniyesidagi ko‘rsatuvlardan birida AQSh prezidentligiga nomzodlardan qay biri unga xush kelayotgani haqida berilgan savolga javoban.
Rossiya prezidenti shuningdek mamlakatlar orasida qator masalalar bo‘yicha kelishmovchiliklar borligini ta’kidladi. “Munosabatlarimizda xavfsizlik sohasida muammolar bor. Xalqaro kun tartibidagi ba’zi masalalar bo‘yicha fikrimiz bir joydan chiqmaydi”, — dedi Putin.
Izoh (0)