Rossiya prezidenti Vladimir Putin Time jurnali versiyasi bo‘yicha dunyoning 100 nafar eng nufuzli kishilari reytingiga kirganiga beparvolik bilan qarashini aytdi, deb yozadi “RBK”.
“Ma’lum bir davlat rahbarining nufuzi birinchi o‘rinda ushbu davlatning iqtisodiy quvvati va mudofaa qobiliyatiga ko‘ra baholanadi”, — dedi u.
Shu bilan birga, Vladimir Putin ro‘yxat figurantlarini jurnal xodimlari emas, so‘rov ishtirokchilari tanlaganini ta’kidladi. “Shu tufayli menga nisbatan emas, birinchi navbatda mamlakatimiz, Rossiyaga nisbatan hurmat ko‘rsatgan kishilarga minnatdorlik bildirishni istardim”, — dedi prezident.
Eslatib o‘tamiz, Rossiya prezidenti Vladimir Putin AQShning Time jurnali tomonidan o‘quvchilari o‘rtasida o‘tkazilgan so‘rovnomada dunyoning eng katta ta’sirga ega odami deb topildi. Putin reytingda 6,95 foiz ovoz bilan birinchi o‘rinni egallagan.
Shuningdek, kuchli o‘nlikdan koreyalik xonanda Li Che Rin, qo‘shiqchilar Ledi Gaga, Rianna, Teylor Svift, Dalay lama, tinchlik bo‘yicha Nobel mukofoti sohibasi Malala Yusufzay va Rim papasi Fransisk I o‘rin olgan.
Izoh (0)