Amerikalik Kevin Xargrouv tagliklar o‘g‘irlagani uchun 16-aprel kuni hibsga olindi. Supermarketlar uning jinoiy faoliyatidan 10 ming dollardan ortiq zarar ko‘rgan bo‘lishi mumkin. Bu haqda CBS New York xabar bermoqda.
Nyu-Yorkning Bruklin tumanida istiqomat qiluvchi bu shaxs mahsulotlarning shtrix-kodlarini o‘zgartirish va shu yo‘l bilan xarid uchun kamroq haq to‘lash orqali o‘g‘irliklarni amalga oshirgan. O‘zining tan olishicha, u shu yo‘l bilan aslida 99 dollar turadigan bir qadoq bolalar tagliklarini 1 dollardan sotib olishga muvaffaq bo‘lgan. Natijada u o‘g‘irlangan mahsulotni ko‘chada qayta sotgan.
“Bu odam Stop & Shop tarmog‘ining Nyu-York, Nyu-Jersi va Konnektikutdagi har bir do‘konini o‘marganini tan olib, tergovchilarga aytib berdi”, - dedi prokuror Dayana Peres. Uning so‘zlariga ko‘ra, Xargrouv so‘nggi yarim yilning o‘zida 100dan ortiq o‘g‘irlikni sodir etgan.
Politsiya 2015-yilning 7-yanvaridan 1-apreligacha bo‘lgan muddatda amalga oshirilgan 14ta o‘g‘irlik holatini isbotlab berishga tayyorligini ma’lum qildi. 24 yoshli Xargrouvni, o‘grilikdan tashqari, hujjatlarni soxtalashtirishda ham ayblashmoqda.
Yosh afroamerikalik o‘zini aybdor deb hisoblayotgani yo‘q va politsiyaga ushbu tagliklarni farzandlari uchun o‘g‘irlaganini aytib o‘tgan.
Izoh (0)