Xitoyda shifokorlar ayolning nonushtani o‘tkazib yuborishi va ko‘p yillar davomida kechasi yengil ovqatlanishi natijasida undan deyarli 100 ta o‘t pufagi toshini olib tashlashdi, deb xabar berdi World of Buzz.
Taʼkidlanishicha, bunday miqdordagi toshlar ko‘p yillar davomida noto‘g‘ri ovqatlanish natijasida hosil bo‘lgan. Ayol nonushtani o‘tkazib yuborgan, tushlikka uyg‘ongan va kechqurun dugonalari bilan ziyofatlarda qatnashgan.
Buning oqibatida o‘t pufagi faoliyati buzilgan va o‘t suyuqligi to‘planib qolib, so‘ngra faol ravishda tashqariga chiqarilgan. Shifokorlarning taʼkidlashicha, o‘t suyuqligi dimlanishining asosiy sabablaridan biri nonushtadan voz kechishdir, kechki yengil ovqatlanish esa ovqat hazm qilishda yukni kuchaytiradi. Ayolning holatida, bunday turmush tarzi ko‘plab xolesterin kristallarining hosil bo‘lishiga olib keldi va ular toshlarga aylandi. Ularning soni 95 ta edi. Operatsiyani o‘tkazgan bosh jarrohning taʼkidlashicha, bemorning ahvoli o‘tkir pankreatit rivojlanishiga olib kelishi mumkin edi, bu esa hayot uchun xavf tug‘diradi. Shundan so‘ng unga ovqatlanishini qayta ko‘rib chiqish tavsiya qilindi.
Izoh (0)