Maks Plank instituti olimlari parfyum va dezodorantlar insonning tabiiy kimyoviy himoyasiga sezdirmasdan aralashishi mumkin degan xulosaga keldi.
Maʼlum bo‘lishicha, kosmetik vositalar insonning oksidlanish maydonini — ozon bilan o‘zaro taʼsirda tana atrofida hosil bo‘ladigan erkin radikallardan iborat reaktiv zonani buzishga qodir ekan.
Bu radikallar, xususan, gidroksillar havodagi zararli birikmalarni zararsizlantiruvchi tabiiy filtr vazifasini bajaradi. Biroq maʼlum bo‘lishicha, xushbo‘ylantirilgan vositalar surtilganda teri atrofidagi kimyoviy jarayonlar buzila boshlaydi: parchalanish mahsulotlari tana issiqligi bilan birga yuqoriga ko‘tariladi, burun yaqinida potensial xavfli moddalarning konsentratsiyasi atrofdagi havodagi darajadan 2-3 baravar yuqori bo‘lishi mumkin.
Tajriba shuni ko‘rsatdiki, kosmetika qo‘llanilgandan so‘ng OH radikallarining darajasi deyarli 34 foizga kamaygan. Demak, tananing atrofidagi kimyoviy “filtratsiya zonasi” zaiflashadi, bu esa boshqa birikmalarning nafas yo‘llariga erkin kirib borishiga yoki terida singishi imkon beradi.
Olimlar bunday o‘zgarishlarning sog‘liqqa taʼsiri hali o‘rganilmaganini, ammo potensial xavflar allaqachon aniq ekanini taʼkidlaydi. Tadqiqotchilar, ayniqsa, parfyumeriya va dezodorantlardan kundalik foydalanishni hisobga olgan holda, xonalardagi kimyoviy vositalarga bo‘lgan yondashuvni qayta ko‘rib chiqishga chaqiradi.
Izoh (0)