HeatWorld nashri xabar berishicha, amerikalik aktyor Leonardo Di Kaprio italiyalik model Vittoriya Cheretti bilan turmush qurmoqchi. Endilikda 50 yoshli aktyor qarilikni yolg‘izlikda o‘tkazishni istamayapti va nihoyat Gollivudning eng mashhur bo‘ydoqlari ro‘yxatidan chiqishga tayyor.
Vittoriyani kelin sifatida ko‘rish Di Kaprio uchun juda muhim voqea. U uzoq vaqt davomida oila qurish haqida o‘ylab keldi va hozirda bu qarorni imkon qadar tezroq amalga oshirishni istaydi, deyiladi manbada.
Insayderlarning ta’kidlashicha, 26 yoshli Cheretti aktyorga avvaldan qat’iy shart qo‘ygan: u oila qurish taklifini uzoq vaqt kutishga toqati yo‘q va bu munosabatlarning mantiqiy va yakuniy bosqichi nikoh bo‘lishi shart.
Di Kaprioning qaroriga jiddiy yondashayotganining isboti sifatida, uning tashqi ko‘rinishi va turmush tarzidagi o‘zgarishlar qayd etilmoqda. Uning sezilarli darajada ozgani va kechki bazmlarda kamroq ishtirok etayotgani juftlikning munosabatlari jiddiy ekanligidan dalolat beradi.
Manbaning ta’kidlashicha, Vittoriya Leo hayotiga katta ta’sir ko‘rsatgan, shu sababli aktyor doimo uydan tashqarida bo‘lishga ehtiyoj sezmayapti.
Aktyorning bu qarordan eng xursand odam Di Kaprioning 82 yoshli onasi bo‘ldi. U uzoq vaqtdan beri nabira kutayotganini yashirmaydi.
Ma’lumot uchun, amerikalik mashhur aktyor, film prodyuseri va ekologik faolligi bilan tanilgan Leonardo Di Kaprio 1974-yil 11-noyabrda Los Anjelesda tug‘ilgan. U aktyorlik faoliyatini bolaligida reklama va teleseriallarda boshlagan, keng ommaga esa “Titanik” filmi orqali tanilgan. Shundan so‘ng “Buyuk Getsbi”, “Aviator”, “Muqaddima”, “La’natlanganlar oroli”, “Omon qolgan” va “Uoll strit bo‘risi”ning yulduziga aylangan. Uning boyligi taxminan 260 million dollar. Gonorarlar juda katta ekanligi bois o‘ziga orol, hashamatli uylar, kvartiralar sotib olgan va dabdabali hayot kechiradi. Uning “Yuqoriga qarama” filmining o‘zi 30 million dollar daromad keltirgan.
Kinodan tashqari, Di Kaprio ekofaollardan biridir. Aktyorning jamg‘armasi tabiatni muhofaza qilish va iqlim o‘zgarishiga qarshi kurashga millionlab dollar mablag‘ yo‘naltiradi.
Izoh (0)