Aktyor Leonardo Di Kaprio va uning qallig‘i Vittoria Cheretti xususiy samolyotda Meksikaga yetib kelganida aeroportda paparatssiga tushib qoldi. Bu haqda Daily Mail’ga tayanib “Kino.mail.ru” xabar bermoqda.
Meksika aeroportida Di Kaprio va Cherettidan tashqari aktyorning otasi Jorj va uning ayoli bo‘lgan. Aktyor o‘sha kun ko‘zga tashlanmaydigan sport kiyimida va qora ko‘zoynakda bo‘lgan.
Joriy yil 7-yanvar kuni Los Anjelesda boshlangan o‘rmon yong‘inlari jiddiy talafotlarga olib kelayotgan hamda 100 mingdan ortiq aholini evakuatsiya qilishga majbur bo‘lgan vaqtda Di Kaprio AQShni tark etishga qaror qilgan va Meksikaning Kabo San Lukas shahriga yaqinlari bilan uchib ketgan.
1736755346-0-2PJ8b1zb.png)
“Leoning ekologiyaga qo‘shgan hissasi va harakatlarini e’tiborga oladigan bo‘lsak, bunday yirik tabiiy ofat paytida uning shaxsiy samolyotdan foydalanishi hayratlanarlidir”, — deyiladi xabarda.
Ma’lumot uchun, 1998-yilda “Titanik” filmini suratga olish ishlari tugaganidan so‘ng, Leonardo Di Kaprio iqlimga oid ekologik falokatlarning oldini olish masalalari bilan shug‘ullanadigan mutaxassislarni jalb qilgan va o‘zining Global Green fondini tashkil qilgan. Jamg‘arma yovvoyi tabiat, dengiz flora va faunasi hamda qo‘riqlanadigan yerlardagi mahalliy aholi huquqlarini himoya qilish bo‘yicha loyihalarni moliyalashtiradi.
2021-yilda rebrendingdan so‘ng jamg‘arma Re:wild degan nomga o‘zgartirilgan va Global Wildlife Conservation bilan birlashgan. Re:wild 50 ta davlatda faoliyat yuritadi, 120 ga yaqin turli loyihalarni qo‘llab-quvvatlaydi va 60 dan ortiq kompaniyalar bilan hamkorlik qiladi. Shuningdek, 2022-yilda Di Kaprio xalqaro iqlim fondiga 45 million dollar mablag‘ ajratgan.
Shuningdek, aktyor 20 yildan ortiq vaqt davomida 200 dan ortiq turli xil ekologik loyihalarni moliyalashtirgan, iqlim o‘zgarishi va global issiqlikka qarshi kurashish uchun 80 million dollardan ortiq grant ajratgan.
Daily Mail nashri qayd etishicha, amerikalik aktyor va ssenariy muallifi Larri Devid ham Meksikaga taxminan o‘sha vaqtda yetib kelgan.
Izoh (0)