AKFA Medline University Hospital tibbiyot markazi Amerika yurak assotsiatsiyasi (American Heart Association, AHA) tomonidan rasman akkreditatsiyadan o‘tdi va xalqaro shoshilinch yordam standartlari bo‘yicha vakolatli o‘quv markaziga aylandi.
Ushbu maqom AKFA Medline University Hospitalga quyidagi yo‘nalishlar bo‘yicha AHA sertifikatlangan kurslarini o‘tkazish huquqini beradi:
• BLS (Basic Life Support) — asosiy hayotiy ko‘mak
• ACLS (Advanced Cardiovascular Life Support) — yuqori darajadagi yurak-o‘pka reanimatsiyasi
• PALS (Pediatric Advanced Life Support) — bolalarga yuqori darajadagi hayotiy ko‘mak
Har bir kurs yakunida tinglovchilar butun dunyo bo‘ylab tibbiyot muassasalarida tan olinadigan xalqaro AHA sertifikatini qo‘lga kiritadilar.
"Bu biz uchun muhim yutuq, — deya ta’kidladi AKFA Medline University Hospital direktori Tursunqulov Azimjon Nazirjonovich — AHA Training Site maqomini olish bizning yuqori tayyorgarlik darajamiz, zamonaviy uskunalarimiz, malakali mutaxassislarimiz va eng qat’iy xalqaro standartlarga muvofiqligimizni tasdiqlaydi. Biz O‘zbekistonda shoshilinch tibbiy yordam madaniyatini rivojlantirishga hissa qo‘sha olishimizdan faxrlanamiz."
AHA haqida
American Heart Association (AHA) — 1924 yilda AQShda tashkil etilgan yetakchi notijorat tashkilot bo‘lib, uning faoliyati yurak-qon tomir kasalliklari va to‘satdan yurak to‘xtashiga qarshi kurashga qaratilgan. AHA birinchi yordam ko‘rsatish, yurak-o‘pka reanimatsiyasi (CPR) va hayot qutqarish bo‘yicha klinik protokollar va ta’lim dasturlarini ishlab chiqishda jahon yetakchisidir. AHA kurslari 100 dan ortiq mamlakatlarda tan olingan va tibbiyot xodimlarini favqulodda vaziyatlarga tayyorlashning oltin standarti hisoblanadi.
Keyingi qadam — qamrovni kengaytirish
AKFA Medline University Hospital AHA sertifikatlangan kurslarining geografik qamrovini kengaytirish, universitetlar, klinikalar va favqulodda vaziyatlar xizmatlari bilan hamkorlikni mustahkamlash, shuningdek, hududlardagi mutaxassislarni tayyorlash darajasini oshirishni rejalashtirmoqda.
Bu kurslar kimlar uchun mos keladi?
O‘qitish, ayniqsa, quyidagilarga foydali bo‘ladi:
• tibbiyot xodimlari va tibbiyot oliy o‘quv yurtlari talabalari,
• tez tibbiy yordam xizmati mutaxassislari,
• klinika va shifoxonalar xodimlari,
• chet elda amaliyot o‘tashni yoki ishga joylashishni rejalashtirayotganlar.
"AHA kurslarida olingan ko‘nikmalar shunchaki algoritmlarni bilish emas. Bu ishonch, mas’uliyat va inson hayotini saqlab qolishga tayyorgarlikdir," - deya ta’kidladi markaz ma’muriyati.
Reklama huquqi asosida
Izoh (0)