Кўксарой қароргоҳида Халқаро хотин-қизлар куни муносабати билан байрам тадбири бўлиб ўтди. Бу ҳақда Президент матбуот хизмати хабар берди.
Тадбир аввалида президент Шавкат Мирзиёев нутқ сўзлаб, муҳтарама оналар, азиз опа-сингилларни самимий қутлади. Хотин-қизларнинг ҳуқуқ ва манфаатларини тўлиқ таъминлаш, қадр-қимматини улуғлаш давлат сиёсатида етакчи ўринда эканини таъкидлади.
Президентнинг 3 мартдаги қарорига биноан 28 нафар қиз Зулфия номидаги давлат мукофоти билан, 4 мартдаги фармонга мувофиқ, меҳнат фаолияти ва жамоат ишларида катта натижаларга эришган бир гуруҳ аёллар орден ва медаллар билан тақдирланган эди. Тадбирда ана шу юксак мукофотлар тантанали равишда топширилди.
Маросим сўнгида Шавкат Мирзиёев халқ номидан аёлларни яна бир бор табриклаб, эзгу тилаклар билдирди.
Фото
Изоҳ (0)