Президент раислигида ўтказилган коррупцияга чек қўйишга оид йиғилиш, давлат ипотека кредити фоизи пасайиши, “Ангрен” кўмир конида автоағдаргич ёниб кетиши оқибатида ҳайдовчи ҳалок бўлиши — “Дарё” нашри бугун, 5 мартда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда солиқ идоралари ходимлари 24,5 млрд сўмни талон-торож қилгани аниқланди
Солиқ, божхона, банк ходимлари, ҳоким ўринбосари ва тадбиркорлардан иборат уюшган жиноий гуруҳ ҚҚС “возврат”идан пулларни ўмарган.
Фавқулодда вазиятлар вазири Абдулла Қўлдошев нега ишдан олингани маълум қилинди
Президент Шавкат Мирзиёев бу ҳақда коррупцияга чек қўйишга оид йиғилишда алоҳида тўхталди.
Президент болани мактаб ёки боғчага жойлаштириш, ОТМга киришдаги таниш-билишчиликлар ҳақида гапирди
Шавкат Мирзиёев кредит олишда бўлган муаммоларга ҳам тўхталиб ўтди.
Ўзбекистондаги 117 та вазирлик ва идорадаги коррупцияга қарши ички назорат тузилмалари раҳбарлари ишдан олинади
Бош вазирга уларнинг ўрнига ҳалол, фидойи ва профессионал кадрлардан қўйиш топширилди.
“Қўзғатилган жиноят ишларини санайдиган қуруқ статист бўлиб қолган” — президент Антикоррупция агентлиги фаолиятини танқид қилди
“Нега бу ишлар президент топшириқ берганидан кейин бошланиши керак?”, деган Шавкат Мирзиёев.
Президент сув, газ, электрга уланиш, субсидия, пенсия каби масалаларда онлайн жавоб оладиган тизим бўлиши кераклигини айтди
Мутасаддиларга сунъий интеллект асосида аҳолининг саволларига қўл телефони орқали содда жавоб берадиган онлайн платформани ишга тушириш топширилди.
“Бундан буён секторлар фаолияти билан прокурор, ички ишлар ва солиқ шуғулланмайди” — Шавкат Мирзиёев
“Сектор ишидан озод қилиш — эски даврга қайтиб, аҳоли ва тадбиркорларга ҳар қадамда тўсиқ, коррупцияга шароит яратиш дегани эмас”, деди президент.
“Бош прокуратура ҳам, ИИВ ҳам уйғониши, янгича ишлаб, бир-бирини тийиб туриши керак” — президент
ИИВга профилактика инспекторларини бодикамера билан таъминлаш, жиноятларни ҳисобга олишни тўлиқ рақамлаштириш, Бош прокуратурага жиноятчиликнинг олдини олиш бўйича янада қаттиқ ишлаш топширилди.
Давлат хизматчилари даромадини декларациялашга оид қонун жамоатчилик муҳокамасига қўйилади
Аслида бу қонун 2021 йилдан ижро этила бошланиши керак эди. Аммо номаълум сабабларга кўра, ҳужжатни қабул қилиш жараёни кечиккан.
“Хизмат транспортида юришни кескин қисқартириб, миллий автомобилга ўтиш зарур” — Шавкат Мирзиёев
Президент давлат харидларида қонунга зид ҳолатларни сунъий интеллект ёрдамида аниқлаш бўйича тизимни ишга туширишни топширди.
“Жавобгарлик ҳам қаттиқ бўлади”. Президент барча раҳбарларни судлар фаолиятига аралашишдан қатъий огоҳлантирди
Шавкат Мирзиёев адвокатлар фаолиятига тўсқинлик қилаётган омилларни бартараф этиш бўйича қонун лойиҳасини киритишни ҳам топширди.
“Бунга таниқли шахслар бош-қош бўляпти” — президент ортиқча ҳашамат ва дабдабани танқид қилди
Шавкат Мирзиёев айрим раҳбарлар ўзининг камтарона турмуш тарзи билан барчага намуна бўлиш ўрнига, ноқонуний даромад топишга интилаётганини айтди.
Давлат ипотека кредити фоизи пасайди
Эндиликда ушбу кредит фоиз ставкаси – Марказий банк асосий ставкаси + 6 фоиз қилиб белгиланди.
Шавкат Мирзиёев ШҲТ бош котиби Нурлан Ермекбаевни қабул қилди
Хитойнинг Тянсзин шаҳрида бўлажак ШҲТ саммитига тайёргарлик кўриш масалалари муҳокама қилинди.
“Ангрен” кўмир конида автоағдаргич ёниб кетди. Ҳайдовчи ҳалок бўлди (видео)
Автоағдаргич тоғ жинсларини тўкиш вақтида орқага сирпаниб, ағдарилиб кетган.
Ўзбекистонда кўчмас мулкни оммавий баҳолаш тизими жорий этилади
“Кўчмас мулкни оммавий баҳолаш тизимини жорий этиш тўғрисида”ги президент фармони қабул қилинди.
Энергетика вазирлиги метан заправкалардаги чекловлар қачон олиб ташланишини маълум қилди
Вазирлик келтирилган ноқулайликлар учун истеъмолчилардан узр сўради.
Самарқанддаги боғчада тарбиячи болаларни уриб, уларни ҳақоратлади (видео)
Унга нисбатан қандай чора кўрилгани очиқланди.
Изоҳ (0)