Ko‘ksaroy qarorgohida Xalqaro xotin-qizlar kuni munosabati bilan bayram tadbiri bo‘lib o‘tdi. Bu haqda Prezident matbuot xizmati xabar berdi.
Tadbir avvalida prezident Shavkat Mirziyoyev nutq so‘zlab, muhtarama onalar, aziz opa-singillarni samimiy qutladi. Xotin-qizlarning huquq va manfaatlarini to‘liq taʼminlash, qadr-qimmatini ulug‘lash davlat siyosatida yetakchi o‘rinda ekanini taʼkidladi.
Prezidentning 3-martdagi qaroriga binoan 28 nafar qiz Zulfiya nomidagi davlat mukofoti bilan, 4-martdagi farmonga muvofiq, mehnat faoliyati va jamoat ishlarida katta natijalarga erishgan bir guruh ayollar orden va medallar bilan taqdirlangan edi. Tadbirda ana shu yuksak mukofotlar tantanali ravishda topshirildi.
Marosim so‘ngida Shavkat Mirziyoyev xalq nomidan ayollarni yana bir bor tabriklab, ezgu tilaklar bildirdi.
Foto
Izoh (0)