“Наманган” махсус экспорт зонаси ташкил этилади. Бу ҳақда Адлия вазирлиги хабар берди.
Айтилишича, президент фармони билан Инвестициялар, саноат ва савдо вазирлиги махсус иқтисодий зоналарни бошқариш бўйича ваколатли орган ҳисобланади ҳамда хусусий бошқарувга берилган махсус иқтисодий зоналар фаолиятини мувофиқлаштиради.
Саноат зоналари маҳаллий ижро этувчи ҳокимият органлари томонидан бошқарилади ҳамда Инвестициялар, саноат ва савдо вазирлиги томонидан уларнинг фаолияти мувофиқлаштирилади.
Шунингдек, мазкур фармон асосида Наманган вилоятида “Наманган” махсус экспорт зонаси ташкил этилади. 2025-йил 1-июндан махсус иқтисодий зоналар иштирокчилари томонидан маҳсулотларни ишлаб чиқариш ва экспортга реализация қилиш учун фойдаланадиган импорт хом ашё, материал ва бутловчи қисмларни божхона тўловларини тўламаган ҳолда “товарларни божхона ҳудудида қайта ишлаш” божхона режимига жойлаштириш орқали уларни божхона расмийлаштирувидан ўтказиш амалиёти йўлга қўйилади.
2028-йил 1-январгача махсус иқтисодий ва саноат зоналари дирексиялари ер солиғи бўйича ҳисобланган сумманинг бир фоизи миқдорида улар томонидан ижарага берилган ер майдонлари учун тўловни амалга ошириши белгиланди.
Бундан аввал Ўзбекистонда иқтисодий ва саноат зоналарида қарийб 30 минг иш ўрни яратилиши хабар қилинганди.
Изоҳ (0)