Реал ҳаётдан узилиб қолгани учун бошқа сайёраликдек тасаввур уйғотадиган машҳурлар

Кўпчилик мухлислар, машҳур шахсларнинг реал ҳаёти ҳақида жуда оз тасаввурга эга бўлгани учун, уларни пуфак ичида яшайди, деб ҳисоблайди. Баъзи юлдузлар ҳақиқатдан шунчалик узоқда яшайдики, улар гўёки бошқа сайёрадан келган одамлардек кўринади.

Леди Гага

Леди Гага руҳларни топишга ёрдам берадиган ускунани сотиб олди. Йўқ, поп-ижрочи улар билан учрашишни хоҳламайди, аксинча, у саёҳат ва гастроллар пайтида меҳмонхона хоналари ва пардозхоналарда руҳлар бор-йўқлигини текшириш учун бу мўжизавий ускуналардан фойдаланади. Руҳларга ишонасизми ёки йўқми, лекин уларни топиш учун 39 000 доллар сарфлаш — бу жуда ҳам ғалати.

Николас Кейж

2009 йилда Николас Кейж ўз собиқ бизнес-менежерини судга берди, чунки актёрнинг фикрича, менежер уни молиявий қийинчиликка дучор қилган. Кейинги суд жараёнида маълум бўлдики, Николас, иккита қаср, тўртта яхта ва иккита албинос кобра сотиб олган ва буларнинг барчаси у судга берган менежерининг бундай харидлар қилмаслик ҳақидаги маслаҳатларига қарамай бўлган.

Хелен Миррен

Хелен Миррен ҳеч кимга қўнғироқ қилмайди ва ўзи ҳам телефон қўнғироқларига жавоб бермайди, чунки... буни қилишдан қўрқади. Оҳ, бу қўрқинчли янгилик — телефон...

Патрик Стюарт

2013 йилнинг 29 майида сер Патрик Стюарт умрида биринчи марта пица еган. Ўшанда актёр 72 ёшда эди. “Мен уни ҳатто нотўғри ушлаб тургандим”, деб тан олди актёр кейинроқ Конан O’Браеннинг ток-шоусида.

Линдси Лоханнинг онаси

Баъзида нафақат машҳурлар, балки уларнинг қариндошлари ҳам реалликдан узоқлашади. Линдси Лохан 75 йил давомида Cарвел музқаймоғини бепул олиш ҳуқуқини берувчи картани олган 75 та юлдузлардан бири бўлди. Актрисанинг онаси Дина Лоханга бир кафеда бепул музқаймоқ беришдан бош тортилганда, у полицияга қўнғироқ қилди. Маълум бўлишача, ушбу картадан фақат Линдсининг ўзи фойдаланиши мумкин бўлган, оила аъзоларига бундай ҳуқуқ берилмаган. Бу ҳақида Cарвел компанияси Лохан оиласи кўп йиллар давомида картадан нотўғри фойдалангани ҳақида баёнот берди.

Ариана Гранде

Ариана Гранде бир марта ўз ижтимоий тармоқлардаги саҳифасида ўзини “ер юзидаги энг меҳнатсевар 23 ёшли одам” деб атади. Актриса интернет фойдаланувчилари унинг паст маош оладиган ишларда оиласини боқиш учун курашаётган одамлар, эҳтимол, ундан ҳам кўпроқ меҳнат қилаётганини таъкидлагандан кейин постни ўчирди.

Перис Хилтон

Перис Хилтоннинг бойлиги 45 миллион долларни ташкил этади ва у ҳақиқатан ҳам қийин вазиятга дуч келмоқда. У 15 йилдан бери бир хил ишни бажараётганидан шикоят қилади! Бундан ташқари меҳмонхона бизнесининг меросхўри ҳар қандай инсонда бўлиши мумкин бўлган барча ёмон нарсалар унинг бошига тушганини айтади.

Опра Уинфри

Бир марта ўз ток-шоусида Опра Рождество совғалари ҳақида маслаҳат берди ва бир томошабин 100 доллар атрофидаги бюджет учун совға ғоясини сўраганда, шок бўлгандек кўринди. “Рождество учун атиги 100 доллар?”, деб ҳайрон бўлиб сўради Опра ва 300 долларлик ҳашаматли ҳаммом сочиқлар тўпламини маслаҳат бера бошлади.

Меган Маркл

Меган Маркл 2019 йилда Лондонда “Қирол шер” мультфильмининг премерасида овозлаштирган жанубий африкалик актёр билан суҳбатлашганини айтди. “У менинг шоҳона тўйим туфайли жанубий африкалик одамлар кўчаларда Мандела қамоқдан чиққанда биз қувонгандек қувонганларини айтди”, деди Сассекс герцогиняси. Шундан кейин фильмдаги ягона жанубий африкалик актёр Меган билан ҳеч қачон учрашмаганлигини ва унинг шаҳзода Гарри билан тўйи Жанубий Африкада катта воқеа бўлмаганлигини айтди.

Бироқ кейинроқ маълум бўлдики, премерада Маркл жанубий африкалик композитор Лебоханг Мораке билан учрашган, шунинг учун у уни назарда тутган бўлиши мумкин. Моракедан Меганнинг гапи тўғрими, деб сўралганда, у: “Мен бу масалани шарҳлай олмайман, чунки бу уч йил олдин бўлган ва бир дақиқадан кам давом этган суҳбатнинг тафсилотларини эслай олмайман”, деб жавоб берди.

Салма Хаек

Ва сўнггиси, Салма Хаекдан иқтибос: “Мен ҳар доим кўп болали бўлишни хоҳлаганман, лекин биринчи фарзандим, қизим Валентина туғилганидан кейин, бу билан тўхташ керак деб тушундим. Барча болаларинг бахтли бўлиши учун жуда кўп меҳнат қилиш керак. Агар сиз пица тайёрласангиз, бир болан пишлоқни ёқтирмаслиги, бошқаси эса помидорни ея олмаслиги мумкин. Бизнинг ошпазимиз эса баъзида жуда банд бўлади ва чарчаган кўринади”.