“Ҳаёт-мамот ўйинлари” ва “Ғаройиб одамлар” франшизалари юлдузи Женнифер Лоуренс иккинчи фарзандли бўлди. Фильм Updates нашрининг Х ижтимоий тармоғидаги ўз саҳифасида маълум қилишича, 34 ёшли актриса фарзандини бир неча кун аввал дунёга келтирган.
Ҳозирча боланинг жинси, унинг туғилган санаси ҳамда исми номаълум. Актрисанинг ўзи ва унинг турмуш ўртоғи, санъат галереяси директори Кук Марони ушбу қувончли воқеа ҳақида расман эълон бермади, уларнинг вакиллари томонидан ҳеч қандай раддия ҳам берилмади.
Женнифер Лоуренснинг ҳомиладорлиги 2024 йил октябрь ойида маълум бўлган эди. Бундан кейинги ойларда актриса фаол ҳаёт тарзини олиб борди, ижтимоий тадбирларда ўсиб бораётган қорнини яширмайдиган либосларда намоён бўлди.
Женнифер Лоуренс ва Кук Маруни бир йиллик танишувдан сўнг 2019 йилда турмуш қурган. Уларнинг биринчи фарзанди 2020 йилда туғилиши керак эди, бироқ Лоуренс “Юқорига қарама” фильмини суратга олиш вақтида ҳомиласини йўқотган. Кейинчалик актриса яна ҳомиладор бўлди ва 2022 йил февраль ойида она бўлди. Улар фарзандини таниқли рассом ва ҳайкалтарош Сай Твомбли шарафига Сат деб исм қўйишди.
Изоҳ (0)