АҚШнинг собиқ президенти Жо Байден ўз қароргоҳи жойлашган Делавер штатидан Вашингтонга поездда ишга бормоқда. У офисда сирли лойиҳа устида меҳнат қилмоқда. Бу ҳақда New York Post газетаси хабар бермоқда.
“Байденнинг Оқ уйдан чиққан бир неча вакиллари унинг вақтинчалик офисида ҳафтанинг кўп қисмида нима билан шуғулланаётгани ҳақида қизиқиш борлигини айтишмоқда... ъБу ҳақиқатан ҳам жумбоқъ, деди Байденнинг собиқ ёрдамчиларидан бири Колумбия округига ташрифлари пайтидаги фаолияти ҳақида. Байденнинг қўл остида ишлаётган ходимлар эса ъжавоб беришдан қочаётганиниъ таъкидлади”, дейилади газета мақоласида.
Байденга собиқ президент сифатида Вашингтондаги офис июлгача бепул тақдим этилади. Ушбу офисда у ҳозирги ва собиқ ходимлар билан учрашувлар ўтказади, шунингдек, Конгресс аъзолари ва Демократик партия раҳбарлари билан телефон орқали гаплашади.
Тахминларга кўра, Байден ўз китобини ёзиш, шунингдек, ўз шарафига кутубхона ва фонд очиш режалари устида ишламоқда, дея таъкидлайди газета.
Манбаларнинг таъкидлашича, Байден 400 минг долларлик президентлик маошидан маҳрум бўлганидан кейин унинг оиласи молиявий қийинчиликларга дуч келган.
Май ойи ўрталарида Байденда простата саратони аниқлангани маълум бўлди. Маълумотларига кўра, 82 ёшли сиёсатчига 16 май куни, шифокорлар уни сийдик чиқариш билан боғлиқ муаммолар туфайли текшириб, простата безида “кичик тугун” борлиги аниқлаганидан сўнг ташхис қўйилган. Шифокорлар саратоннинг тажовузкор шаклга кирганини ва суякларга метастаз берганини аниқлади. Касаллик аллақачон тўртинчи босқичга етган.
Изоҳ (0)