Ёзнинг иссиқ кунларида нафақат чанқоқни босиш, балки кайфиятни кўтариш учун ҳам табиий ичимликлар жуда муҳим. Қуйида сизга тўрт хил лимонад рецептини тақдим этамиз, уларнинг ҳар бири ўзига хос, тайёрлаш осон ва жуда мазалидир.
- Райҳонли лимонад
Ширин ифорли райҳон ва лимон уйғунлигидан тайёрланган цитрусли ичимлик. Айниқса, бинафшаранг райҳондан фойдалансангиз, лимонад янада чиройли рангда чиқади.
Тайёрлаш вақти: 20 дақиқа
Порция : 4
Масаллиқлар:
- Сув — 2 литр
- Лимон — 1 дона
- Шакар — 200 г
- Янги узилган райҳон — 100 г
Тайёрланиши:
- Сувни қайнатиб олинг. Лимон шарбатини сиқиб олинг, пўстини йирик қилиб тўғранг.
- Сувга шакар ва райҳон шохчаларини солиб, шакар эригунча иситиб туринг.
- Идишни оловдан олиб, лимон шарбати ва пўстини қўшинг. Хона ҳароратида совитинг.
- Лимонадни сузиб олинг, хоҳласангиз музлаткичда совитинг.
Қуюлтирилган сутли лимонад
Кутилмаган, лекин ажойиб уйғунлик: нордон лимон ва ширин қуюлтирилган сутдан ажойиб ичимлик!
Тайёрлаш вақти: 5 дақиқа
Порция : 6
Масаллиқлар:
- Лимон шарбати — 250 мл
- Қуюлтирилган сут — 200 г
- Совуқ сув — 700–750 мл
- Муз — таъбга кўра
Тайёрланиши:
- Лимон шарбатини қуюлтирилган сут билан яхшилаб аралаштиринг.
- Совуқ сув қўшиб, яна аралаштиринг.
- Муз билан стаканга солиб, лимон бўлакчалари ёки ялпиз билан безанг.
Уйда тайёрланган тархун
Болаликдаги биз севган ушбу ичимлик табиий тархун сиропи ва газланган сувдан тайёрланади.
Тайёрлаш вақти: 1 соат (фаол: 15 дақиқа)
Порция : 4
Масаллиқлар:
- Тархун — 1 боғ
- Шакар — 100 г
- Оддий сув — 100 мл
- Лимон — ½ дона
- Газланган сув — 1 200 мл
Тайёрланиши:
- Тархунни шакар билан блендерда бир хил массага айлантиринг. Сув қўшиб, яна аралаштиринг.
- Сиропни қозонда 3–4 дақиқа қайнатиб олинг, сўнг тўлиқ совитинг.
- Сиропни элакдан ўтказиб, лимон шарбати ва газланган сув билан аралаштиринг.
Тарвузли оддий лимонад
Тайёрлаш вақти: 10 дақиқа
Порция : 2
Масаллиқлар:
- Тарвуз — 2 бўлак
- Лимон — 2 бўлак
- Сув — таъбга кўра
- Муз — таъбга кўра
Тайёрланиши:
- Тарвузни пўстидан тозалаб, уруғларини олиб ташланг ва майда бўлакларга бўлинг.
- Блендерга тарвуз ва лимонни солинг, бир оз сув қўшиб, яхшилаб эзинг.
- Муз бўлаклари билан совитилган ҳолда ичинг.
Маслаҳат: Ҳар бир ичимликни стаканга солишда ялпиз, лимон пўсти ёки мевали музлар билан безацангиз, кўриниши янада иштаҳа очар бўлади!
Изоҳ (0)