Яқинда шаҳзода Гаррининг оиласини қўриқлаш бўйича суд жараёни ниҳоясига етди. Бу эр-хотин учун оғир давр эди, аммо ҳозир Меган Маркл яна ҳуқуқий муаммоларга дуч келиши кутилмоқда. АҚШлик аёл 10 миллион долларлик даъво аризаси билан судга мурожаат қилиб, герцогина ўз шоусида намойиш этган маҳсулот унинг терисида куйдириб жароҳат қолдирганини таъкидлади.
Айбловлар хорижий оммавий ахборот воситаларида шов-шувга сабаб бўлди. Ижтимоий тармоқларда шарҳловчилар машҳур брендларнинг барча маҳсулотлари хавфсизми, деган саволни беришди. Улар “Оммага мўлжалланган медиа маҳсулотлари ва жамоатчилик олдидаги жавобгарлик чегараси қаерда?”, деб қизиқишмоқда. Бир сўз билан айтганда, Меган Маркл ҳақидаги сўнгги янгиликлар бугунги кунда унинг янги шоуси атрофида айланмоқда.
Қандли диабетга чалинган Робин Патрик исмли аёл, Netflix’даги Меган Марклнинг “Севги билан, Меган” шоусида кўрсатилган тузли ванна рецептига амал қилганини таъкидламоқда. Рецептга Эпсом тузи, ҳимолай тузи, арника ва лаванда мойлари киритилган. Шоуда ҳеч қандай потенциал хавфлар ҳақида айтилмаган. Патрикнинг таъкидлашича, дастлаб у фақат қичишишни ҳис қилган, бир оз вақт ўтгач, оёқлари ва бели тўсатдан куя бошлаган.
Патрик ҳали ҳам шокда ва у бошдан кечирган “даҳшатли куйишлар”ни қуйидагича тасвирламоқда: у танасининг пастки қисмидаги яралардан азият чекмоқда. “Ҳодисадан кейин мен ҳар куни доимий куйиш, ноқулайлик ва янги пуфакчалар ҳамда яралар пайдо бўлишини ҳис қиляпман”, деди жабрланувчи. Олинган жароҳатлар унинг кундалик ҳаётини қийинлаштирмоқда: аёл душ қабул қилиш ва кийим кийишга қийналмоқда.
Робин Патрикнинг таъкидлашича, Меган тузлардан фойдаланиш, айниқса диабетга чалинганлар учун хавфли экани ҳақида тўғри огоҳлантирмасдан, ўта масъулиятсизлик билан иш тутган. У шоуда одамларни жароҳатланишдан сақлаш учун огоҳлантириш бўлиши керак деб ҳисоблайди. “Мен Меган тузли ваннани қандай тайёрлаётганини кузатдим ва кейин унинг рецептига амал қилдим сўнг даҳшатли натижага эришдим”, деди у. Патрик қониқарли молиявий келишувга эришилса, масалани судсиз ҳал қилишга тайёрлигини билдирди.
Бугунги кунда Меган Маркл ҳақидаги сўнгги янгиликлар бу воқеага оид фикрлар билан тўлиб тошган. Бунга жавобан Меганнинг ҳуқуқий жамоаси даъволарни рад этиб, Эпсом тузи одатда диабет билан оғриганларга тавсия этилмаслигини таъкидлади. “Эпсом тузини ишлатиш диабет билан оғриганларга тавсия этилмайди, фақат шифокор тавсия қилган ҳолларда мумкин”, деб ёзган Марклнинг адвокати. “Патрик тузли ванна қабул қилишдан олдин қадоқдаги кўрсатмаларга эътибор бериши керак эди”, дея сўзларни давом эттиради адвокат.
Бугунги кунда Меган Маркл ҳақидаги сўнгги янгиликлар машҳур платформаларда намойиш этиладиган юлдузлар рецептларининг хавфсизлиги ҳақида савол туғдиради. Гарчи Меганнинг шоуси шахсий маслаҳатларни алмашишга қаратилган бўлсада, танқидчилар баъзи рецептлар барча томошабинларга мос келмаслиги мумкинлигини таъкидламоқдалар. Айниқса, соғлиғида муаммолари бўлганларга эътибор қаратиш керак. Танқидчилар соғлиқ билан боғлиқ тавсияларни бўлишишда, ҳатто рецептни Меган Маркл бўлишса ҳам, аниқ кўрсатмалар ва огоҳлантиришлар беришнинг муҳимлигини таъкидламоқдалар.
Изоҳ (0)