Давлатимиз томонидан бугун тиббиёт соҳасида улкан ислоҳотлар амалга оширилмоқда. Бу ислоҳотлар, энг аввало тиббиёт тизимини янада ривожлантириш, замон талаблари ва жаҳон андозаларига мос бўлишини таъминлашни мақсад қилган.
Маълумки, тиббиётнинг бирламчи бўғини бўлган поликлиникалар - аҳоли саломатлигини сақлаш, жамиятда соғлом турмуш тарзини қарор топтиришда беқиёс ўринга эга.
Шу боис ҳам мамлакатимизда аҳолига бирламчи тиббий-санитария ёрдами кўрсатишнинг сифати, самарадорлиги ва оммабоплигини ошириш, тиббиёт ходимларининг жамиятдаги ўрни ва мақомини кучайтириш мақсадида Президентнинг бир қатор Фармон ва қарорлари қабул қилинди.
Ушбу ислоҳотлар ижросини таъминлаш мақсадида Олмалиқ кон-металлургия комбинати томонидан комбинат ходимлари Касаба уюшмаси тиббий санитария қисми биноси мукаммал таъмирлаб берилди.
Бу поликлиника 1983 йилда ишга туширилган эди. Шу кунгача у бир маротабагина таъмирланган.
Мазкур объектнинг очилиш тадбирида иштирок этган ОКМК раҳбарияти ва бошқалар сўнгги йилларда мамлакатимиз тиббиёт соҳасида амалга оширилаётган ислоҳотлар инсон қадрини улуғлашга йўналтирилгани билан аҳамиятли бўлаётганини таъкидлашди.
Тадбирда бир гуруҳ қурувчи ва шифокорлар қимматбаҳо совғалар билан тақдирланди.
Ушбу тиббиёт муассасасининг реконструкция жараёнида 12 миллиард сўмлик қурилиш-таъмирлаш ишлари бажарилди. Бинонинг эшик-ромлари тўлиқ янгиланди, том, пол қисми тўлиқ алмаштирилди, ташқи фасад ва хоналар таъмирланди, иситиш, сув канализация, вентиляция, электр тизимлари янгиланди ҳамда ҳовлисида ободонлаштириш ишлари олиб борилди.
Эътиборлиси, ушбу тиббиёт муассасаси Соғлиқни сақлаш вазирлиги талабига асосан рақамли поликлиникага айлантирилди. Марказлашган ахборот алмашинуви ва назорат базасига эга бино учун электр энергияси тўлиқ қуёш батареялари орқали етказилади.
Тиббиёт мууассасаси замонавий тиббий ускуналар билан жиҳозланди. Рақамлаштрилган рентген аппаратлари, УТТ, видеоэндоскопия ускунаси, аудиометрия, 8 турдаги физиотерапевтик аппаратлар аҳолига тезкор, сифатли хизмат кўрсатишда муҳим аҳамият касб этади.
Шунингдек, электрон соғлиқни сақлаш тизими жорий қилиниб, у орқали тиббиёт муассасасига мурожаат қилган фуқаро кўрсатиладиган тиббий хизматлар тўғрисида бемалол ахборот олиши, уларни даволайдиган шифокорлар ҳақида маълумотга эга бўлиши, ҳатто қабул вақтини ҳам масофадан электрон навбат орқали банд қилиб қўйиши мумкин бўлади.
Бу ўз навбатида тиббиёт муассасаси фаолиятини такомиллаштиришга хизмат қилади. Электрон ҳужжат билан ишлашни жорий этиш орқали иш жараёни (тиббиёт карталари ва касалликлар тарихини тўлдириш, электрон рецептлар бериш), тиббиёт ходимлари, доридармон, тиббиёт буюмлари ва тиббий техника, сарфлаш материаллари ҳисоби ва мониторингини юритиш ҳам осонлашади.
- Поликлиника ҳузурида 30 кишилик кундузги стационар даволаш бўлими ҳам ташкиллаштирилди. Бу ерда ходимлар саломатлигини мустаҳкамлашни кўзда тутувчи касбий ва бошқа касалликларни даволашга ихтисослашган турли замонавий жиҳозлар билан бирга физиотерапия, муолажа, массаж ва кўплаб замонавий тиббий ускуналар мавжуд.
Яна бир олдимизга қўйган мақсадларимиздан бири бу шифокорларимизни малакасини оширишга қаратилган. Биз эндиликда тиббиёт ходимларини яқин хориж давлатларида малакасини оширишни ҳам режага киритганмиз - дейди комбинат Тиббий хизмат бошлиғи Абдужаббор Тўхтабоев.
Реклама ҳуқуқи асосида.
Изоҳ (0)