Ghibli студияси Ҳаяо Миязаки томонидан 1989 йилда суратга олинган “Кики — элтув хизмати” анимацион мультфильми асосида расмий рецептлар китобини чиқаради.
Китоб орқали жодугар Кики ишлаган қандолатхонада пиширилган турли хил таомлар ва пишириқлар: нон, думалоқ булочка ва печенье, шунингдек, шоколадли торт, конфет, қовоқли пирог, сутли шўрва ва ўрмон меваларидан ичимлик тайёрлаш мумкин.
Рецептлар китоби тахминан 12 доллар туради ва 14 мартдан сотувга чиқарилади.
“Кики — элтув хизмати” анимеси япон ёзувчиси Эико Кадононинг худди шу номдаги романи асосида суратга олинган. Тўлиқ метражли аниме Ghibli студияси томонидан чиқарилган тўртинчи катта прокат ва Миязакининг бадиий асар асосида яратган иккинчи фильми бўлади.
Изоҳ (0)