Цитрусли соус ва саримсоқ товуқ гўштига ўзгача таъм беради. Товуқли таомнинг мазаси барчага ёқади.
Керакли масаллиқлар:
- картошка — 800 г
- товуқ сонлари — 4-5 дона
- лимон — 3 дона
- саримсоқ — 6 донача
- зайтун ёғи — 120 мл
- қуритилган орегано — 1 чой қошиқ
- қуритилган розмарин — 1 чой қошиқ
- туз — 1 чой қошиқ
- мурч — 1 чой қошиқ
- майдаланган қизил қалампир — 1 чимдим
- товуқ шўрваси ёки сув — 250 мл
Тайёрланиши:
- Картошкани катта бўлакларга кесиб олинг ва товуқ сонлари билан бир идишга солинг.
- Лимондан 120 мл шарбатни сиқиб олинг. Саримсоқни қирғичдан ўтказинг. Зайтун ёғи, орегано, розмарин, туз ва мурч билан аралаштиринг.
- Аралашмани товуқ ва картошкага қўшинг ва бир текис бўлиши учун аралаштиринг.
- Масаллиқларни ичи чуқур идишга жойлаштиринг. Иссиқ шўрвани ёки сувни қўшинг.
- Картошка ва товуқ гўштини 20 дақиқа давомида 200 даража ҳароратда олдиндан қиздирилган печга қўйинг. Кейин эҳтиёткорлик билан айлантиринг ва яна 20-25 дақиқа пиширинг.
Ёқимли иштаҳа!
Изоҳ (0)