Совутгич аксарият маҳсулотларни сақлаш учун жуда мос келади. Аммо унда баъзи меваларга жой йўқ — климактерик, яъни узилгандан кейин пишиб етилишини давом эттирадиган меваларни қўйиш мумкин эмас. Гап фақат музлатгичнинг ҳарорати бу жараённи тўхтатишида эмас, балки мевалар бошқача тузилишга ва таъмга эга бўлиб қолишидадир.
Бананлар
Маркетплейсларда банан учун стендлар бежизга сотилмайди, чунки бу меваларни хона ҳароратида сақлаш керак. Совуқ ҳарорат бананларнинг пишиш жараёнини кескин секинлаштиради ва улар таъмсиз бўлиб қолади. Агар сиз уларнинг табиий ширинлигидан баҳраманд бўлишни истасангиз, бананларни стол устида қолдиринг.
Шафтоли
Шафтоли 18–24 градус ҳароратда тўлиқ пишиши керак — фақат шу йўл билан улар ўзининг энг юқори ширадорлиги ва хушбўйлигига эриша олади. Агар шафтолилар бунга қадар музлатгичга қўйилса, улар унсимон тузилишга эга бўлиб қолади, ҳамда таъмини ҳам йўқотади.
Олхўри
Олхўри, кўплаб данакли мевалар сингари, териб олингандан кейин ҳам пишишда давом этади. Совитиш бу жараённи тўхтатади ва олхўри қаттиқ, нордон бўлиб қолади. Ҳатто пишган мевалар ҳам музлатгичга тушиб қолса, зарар кўриши мумкин: уларнинг тузилиши унсимон бўлиб қолади.
Авокадо
Идеал авокадони танлаш унчалик осон иш эмас: агар сизга қаттиқ авокадо тушган бўлса, унга хона ҳароратида пишиб етилишига имкон берганингиз маъқул. Бу содир бўлгандан сўнг эса уни енг ёки музлатгичга қўйинг — бу сизга бир неча кун фойда беради.
Тропик мевалар
Ананас, манго, киви ва бошқа тропик меваларни музлатгичга қўймасангиз, дастурхонингизда ажойиб тарзда бир текис пишиб етилади ва серсувлигини сақлаб қолади. Бироқ кесилганидан сўнг, уларни герметик идишда музлатгичда сақлаш яхшироқдир.
Помидорлар
Помидорларни хона ҳароратида сақланган маъқул. Совуқ ҳарорат помидор пўстлоғининг тузилишини ўзгартириши, шунингдек уларни сувсизлантириши мумкин. Бундан ташқари, музлатгичда сақланган помидорнинг тузилиши бузилади ва салатлар ёки брускетта учун жуда муҳим бўлган ўша янги таъми йўқолади.
Изоҳ (0)