Ачма лазаняга ўхшайдиган грузин ошхонасига мансуб таомдир. У юпқа хамир қатламлари ва пишлоқдан тайёрланади. Бу таом учун лаваш хамири ёки тайёр қатлама хамир (хамиртурушсиз) етарли бўлади. Натижа эса сизни юмшоқлиги ва тўйимли пишлоқ таъми билан ҳайратда қолдиради.
Керакли маҳсулотлар:
- Юпқа лаваш хамири ёки тайёр қатлама хамир – 300 г
- Сулугуни ёки адигей пишлоғи – 300 г
- Товуқ тухуми – 2 дона
- 20% ли сметана – 150 г
- Сут – 50 мл
- Сариёғ – 50 г
- Туз – таъбга кўра
- Кўкатлар (укроп, петрушка) – ихтиёрий
Тайёрлаш:
- Начинка учун
Пишлоқни қирғичдан ўтказинг, битта тухум, 2 ош қошиқ сметана ва майда тўғралган кўкатлар билан аралаштиринг. Таъбга кўра туз қўшинг. Пишлоқ кўпинча шўр бўлгани учун тузни кўп қўшиш мумкин эмас. - Қатламлаб жойлаштиринг.
20 × 20 см ўлчамдаги қолипни ёғланг. Ҳар бир лаваш (ёки хамир) қатламига сметана ва сут аралашмасини суртинг, қолипга солинг, устига бир қават начинка қўйиб чиқинг. Худди шу ишни 4–5 қатлам такрорланг, охирги қатлам фақат пишлоқли бўлсин. - Қолган тухум ва сметанани аралаштириб, устидан эҳтиётлик билан қуйинг. Массани текислаб, юзасига тарқатинг.
- Сариёғни эритиб, устидан қуйинг.
180 даражада қиздирилган печда 25–30 дақиқа, олтинранг қобиқ ҳосил бўлгунча пиширинг. - Тайёр ачмага 5 дақиқа дам беринг.
Шу тарзда у шаклини сақлайди ва чиройли кесилади.
Тахминий калориялилик: 100 г учун 240 ккал.
Тайёрланиш вақти: 40 дақиқа.
Изоҳ (0)