Замонавий гўзаллик индустрияси сифатли маке уп қилиш учун қиммат косметика керак эмаслигини исботламоқда. Бугунги кунда дўкон жавонларида нархи арзон, аммо таъсири ва чидамлилиги билан лух брендлардан қолишмайдиган маҳсулотлар тобора кўпаймоқда. Ушбу мақолада яхши натижа берадиган ва ҳар бир косметика қутисида бўлиши керак бўлган энг арзон маҳсулотлар рўйхати тузилди.
“Иккинчи тери” эффектига эга тонал кремлар
Catrice, Bourjois ва Eveline каби брендлар мукаммал қопловчи хусусиятга эга, енгил тузилишдаги тонал крем ишлаб чиқармоқда. Улар юз терисига текис ётади, қуриган жойларни ажратиб кўрсатмайди ва кун бўйи ўз ҳолатида сақланиб туради. Айниқса, намловчи ёки маттлаштирувчи эффектга эга маҳсулотлар турли тери типлари учун яхши танлов ҳисобланади.
Тўкилмайдиган туш
Maybelline Lash Sensational, Vivienne Sabo Cabaret, Essence Lash Princess — визажистлар ва блогерларнинг севимли танлови. Жуда арзон нархга сиз ҳажм, букилиш ва узоқ вақт сақланиш эффектига эга бўласиз. Бу тушлар киприкларга ёпишиб қолмайди ва тўкилмайди. Кундалик make up учун айни муддао.
Қимматбаҳо эффектга эга румяна ва ҳайлайтерлар
Ҳозирда арзон брендлар ҳам лух маҳсулотлардан кам бўлмаган пудра кўринишидаги маҳсулотларни ишлаб чиқмоқда. Масалан, Revolution, Art-Visage, Estrade. Ҳайлайтерлар терига табиий порлоқ кўриниш беради. Румяна эса юзда узоқ вақт туради ва табиий тус беради.
Соатлаб ўчмайдиган помада ва тинтлар
Relouis’нинг матли тинтлари, Lamel’нинг намловчи балзамлари, Faberlic’нинг блесклари— буларнинг барчаси 80 минг сўмгача туради. Арзон бўлишига қарамай, лабга жуда чиройли суртилади. Бугунги кунда арзон косметик маҳсулотлар тобора сифатлироқ бўлиб бормоқда ва уларнинг кўпчилиги қиммат маҳсулотларнинг ўрнини босиши мумкин. Энг муҳими — синаб кўришдан, таркибини ўқишдан ва янгиликлардан чўчиманг. Make up ҳамёнингизни бўшатиши эмас, балки сизга қувонч улашиши керак.
Изоҳ (0)