Кайли Женнер ўзининг ёқимтой кўриниши туфайли ҳақиқий косметика империясини қурди. Шу сабабли кўпчилик унинг юзи ва қоматини пластик жарроҳлар ишининг натижаси деб ҳисоблайди. Бироқ модел яқинда берган интервьюларининг бирида пластик жарроҳлик амалиётини бошдан кечиргани ҳақидаги миш-мишларга аниқлик киритди.
Машҳур косметик бренд эгаси ҳеч қачон пластик жарроҳлик операциясини қилдирмаганини айтган
“Ўзимга бўлган ишончсизлик туфайли бир нечта пластик операцияларни қилдирганман, деб ўйлашлари мутлақо хато”, —дейди Женнер.
Шунингдек модел аввалги интервьюларининг бирида пластик жарроҳлик бўйича ўз фикрини билдирган.
“Инсонлар юзимни бутунлай ўзгартирганимга ишонади ва бу мутлақо бемаънилик. Бу шунчаки даҳшатли. Мен бу ишни ҳеч қачон қилмайман”, — дейди модел.
Миллион долларлик косметика брендининг эгаси бўлган Женнер пластик жарроҳлик амалиётисиз ҳам чиройли кўриниш мумкинлиги ҳақида гапириб берди. “Аслида, яхши парваришланган сочлар, макияж ва филлерлар мўжиза яратиши мумкин”, — дейди модел.
“Макияж менга ишонч бағишлайди, у билан ўзимни доим ажойиб ҳис қиламан ва умуман олганда, макияжни мақул кўраман. Бу ёрдамида ҳар қандай образни осонгина ўзгартиришингиз ва ўзингизни қулай ҳис қилишингиз мумкин, бироқ бу ёмонми?”, — дея фикр билдирган Кайли Женнер.
Модель бир неча йил олдин лабларини филлер билан катталаштирганини айтган
Модель лабларини филлер ёрдамида катталаштирган. Кайлининг сўзларига кўра, модел болалигида ўзига тўлиқ ишонган, уни фақат бир нарса — лаблари қониқтирмаган.
У бу ҳақда дарҳол айтишга қарор қилган. Модель 2015 йилда, Кардашянлар оиласи реалити-шоусининг эпизодларидан бирида лабларини вақтинчалик филлер билан катталаштирганини айтган.
“Бу мен қилган энг яхши иш эди ва бундан умуман афсусланмайман. Бироқ мен ўзимни доим гўзал деб ҳисоблаганман”, — дейди модел. Женнер 2018 йилда юзидаги барча филлер моддаларини олиб ташлаганини маълум қилди.
Шунингдек, Кайли оналик уни янада гўзаллаштирганини айтди
Кайлининг икки нафар: 5 ёшли қизи Сторми ва 1 ёшли Эйр исмли фарзанди бор. Моделнинг сўзларига кўра, у болалар туфайли ташқи кўринишига янгича назар ташлаган: “Мен ўзимни янада севиб қолдим. Энди қизим ва ўғлимда ўз фазилатларимни кўраман”, — дейди Женнер.
“Қизим ўзимга ўхшайди, гўзаллигимни унда кўраман. Гўзаллик эса мен учун доим ўзгариб туради”, — дея қўшимча қилган модел.
Кайли Женнер пластик операция қилдирмаган ягона машҳур инсон эмас. Баъзи машҳурлар ҳам ўзингизни яратилганингиздек севишингиз керак деб ҳисоблайди. Улар орасида Изабелла Росселлини ва Marion Котийяр бор.
Изоҳ (0)