Эрон, Франция, Германия ва Буюк Британия 25 июль куни Истанбулда ядровий музокаралар ўтказишни режалаштирди. Бу ҳақда Al Jazeera хабар берди.
Ушбу Европа давлатлари сўнгги кунларда Теҳронга қарши халқаро санкциялар қайта жорий этилишидан огоҳлантириб келаётганди. Ядро масаласида музокара ўтказиш таклифи Европа Иттифоқи расмийси ва Эрон ташқи ишлар вазири Аббос Арақчи томонидан келишиб олинган. Улар 17 июль куни телефон орқали мулоқот қилган.
Европанинг юқоридаги учта давлати, шунингдек Хитой ва Россия Эрон билан 2015 йилда ядровий келишувга эришган эди. Бу келишувдан АҚШ 2018 йилда чиқиб кетган.
Исроил-Эрон уруши олдидан Теҳрон ва Вашингтон Уммон воситачилигида 5 раундлик ядровий музокаралар ўтказган. Аммо ушбу учрашувлар мувафаққиятли якунланмаган. Теҳрон эса унинг ядровий дастури фақат фуқаролик мақсадларига мўлжалланганини таъкидлаб келади.
Изоҳ (0)