Оғир кундан ёки зиёфатдан кейин уйга қайтганингизда, кўзларингиздаги улама кирпикларни олиб ташлашдан кўра чарчатадиган нарса йўқ. Бироқ уларни бир кеча қолдириб бўлмайди, бу энг ёмон ғоялардан бири. Ҳар бир нарса кўз қовоқларининг шиллиқ ёки нозик териси шикастланиши билан якунланиши мумкин, бу жой юзнинг бошқа қисмларига қараганда уч баробар нозикроқ.
.jpg)
Косметик воситалар киприкларингизга зарар етказиши ёки етказмаслигини текширинг
Юмшоқ макияж тозалаш воситаси ва ювиб ташлаш осон бўлган тушдан фойдаланаётганингизга ишонч ҳосил қилинг. Сув ўтказмайдиган тушларни танлаб бўлмайди, бу киприкларни қуритиб, мўрт ва синувчан қилиб қўяди. Тушни ҳар уч ойда ўзгартиринг, у бактерияларнинг кўпайиш жойига айланмаслиги керак. Кирпикларингизни ҳаддан ташқари қайирманг, чунки бу уларнинг ўсишига зарар етказиши мумкин.
Киприк учун ишлаб чиқарилган сивороткалардан фойдаланинг
Кўплаб косметика маҳсулотлари ишлаб чиқарувчилари киприкка қўлланадиган сивороткаларни ишлаб чиқаради, бироқ уларнинг ҳаммаси ҳам яхши фойда бермайди. Дермотолог ва тиббиёт фанлари доктори Дебра Жалиман биотин, пептидлар, липидлар, пантенол ва гиалурон кислотасини ўз ичига олган сивороткаларни танлашни маслаҳат беради.
Косметик кимёгар Стивен Аллен Коу таъкидлаганидек, сивороткалар ҳар кеча уйқуга ётишдан олдин киприк чизиғи бўйлаб, иложи борича уларнинг тагига яқинроқ суртилиши керак. Жалиман пайдо мумкин бўлган муаммоларнинг олдини олиш учун сивороткаларни ишлатишдан олдин шифокор билан маслаҳатлашишни маслаҳат беради.
Кўзингиздаги макияжни аста-секинлик билан олиб ташланг
Кун охирида туш киприкларингизга ёпишиб қолмаслиги учун кўзингиздаги макияжни тозалашни унутманг. Шу билан бирга, қўпол ҳаракатлардан қочинг ва шошилманг: тушни “заифлаштириш” учун макияж воситасини 30 сония сақлаб туринг. Киприкларингизни қаттиқ тортманг, бу уларнинг механик шикастланишига олиб келиши мумкин.
Овқатланиш рационингизга биотинга бой маҳсулотларни қўшинг
H витамини сифатида ҳам танилган биотин тери, сочлар, кўзлар, жигар ва ҳатто асаб тизимини соғломлаштиришга ёрдам беради. Техник жиҳатдан киприклар ҳам сочдир, шунинг учун биотин уларга фойда бўла олади. Таркибида кўп биотин бўлган маҳсулотлар: жигар, буйрак, соя, кепак, сигир сути, тухум сариғи, гулкарам, помидор ва ерёнғоқни истеъмол қилинг.
Изоҳ (0)