Футбол бўйича Ўзбекистон Coca-Cola Суперлигасининг биринчи давра ўйинлари марказлашган ҳолда Тошкент шаҳри ва вилоятида ўтказилади.
Бу ҳақида ЎФА, ПФЛ ва Суперлига клублари раҳбарлари ўртасида ўтган 3 август кунги йиғилишда маълум қилинди.
10—13-тур баҳслари август ойи охирига қадар Тошкент шаҳри ва Тошкент вилоятидаги стадионларда бўлиб ўтади. U-21 жамоалари ўртасидаги ўйинлар эса сунъий майдонларда бўлиб ўтади.
Клублар ўртасидаги келишувга кўра ҳеч қайси жамоа ўз майдонида тўп сурмайди. Барча ўйинлар нейтрал майдонда ўтади. Клублар ўзлари танлаб олган қароргоҳда истиқомат қилади ва у ердан фақатгина машғулот ҳамда ўйинларга рухсат этилган автомобилида қатнайди.
«Чемпионатнинг иккинчи давраси ва ҳамда кубок учрашувларининг қай тартибда ўтиши масаласи кейинроқ муҳокама этиладиган бўлди. Бунинг учун миллий терма жамоанинг Тожикистон ва Эронга қарши ўртоқлик ўйинларида майдонга тушиши ёки тушмаслиги масаласи тўлиқ ҳал этилиши лозим. Шундан кейингина куз фасли учун навбатдаги режаларни ишлаб чиқиш мумкин. Катта эҳтимол билан форматнинг ўзгариши мумкинлиги, шундан келиб чиқиб, жамоалар мусобақа жадвалидаги ўринларини яхшилаб олиш учун жиддий бел боғлашлари тушунтирилди. Ҳолат бир неча ойлик режалар ишлаб чиқиш имконини бермайди. Терма жамоалардан ташқари ОФК миқёсида ўтадиган Осиё Чемпионлар Лигаси мусобақаси ҳамда Ўзбекистон мезбонлигида ўтадиган ёшлар ўртасидаги Осиё чемпионати масаласи билан боғлиқ янгиликлар ҳам ҳар қандай режага ўз таъсирини ўтказади. ПФЛ термалар билан боғлиқ жараёнлар ҳал этилишига, авиа ва темир йўл қатновлари тикланишига ҳамда карантин қоидаларининг яна бир қатор меъёрлари ўзгаришига қараб кейинги режаларни очиқлаб бораверади», — дейилади ПФЛ баёнотида.
Қуйида ўйинлар жадвали билан танишиш мумкин. Қайси учрашувнинг қайси майдонда ўтишига яқин кунлар ичида ойдинлик киритилади.
Coca-Cola Суперлига
9-тур
14 август, жума
«Бухоро» — «Бунёдкор»
10-тур
17 август, душанба
«Насаф» — «Сўғдиёна»
«Бунёдкор» — «Металлург»
ОКМК — «Локомотив»
18 август, сешанба
«Қўқон-1912» — «Пахтакор»
«Машъал — «Андижон»
«Қизилқум» — «Бухоро»
19 август, чоршанба
«Сурхон» — «Навбаҳор»
11-тур
20 август, пайшанба
«Сўғдиёна» — «Бунёдкор»
21 август, жума
«Пахтакор» — «Насаф»
«Андижон» — ОКМК
«Локомотив» — «Қўқон-1912»
22 август, шанба
«Навбаҳор» — «Машъал»
«Металлург» — «Қизилқум»
«Бухоро» — «Сурхон»
12-тур
24 август, душанба
ОКМК — «Навбаҳор»
«Сурхон» — «Металлург»
«Қизилқум» — «Сўғдиёна»
25 август, сешанба
ОКМК — «Навбаҳор»
«Сурхон» — «Металлург»
«Қизилқум» — «Сўғдиёна»
26 август, чоршанба
«Машъал — «Бухоро»
13-тур
27 август, пайшанба
«Андижон» — «Пахтакор»
«Локомотив» — «Насаф»
28 август, жума
«Сўғдиёна» — «Сурхон»
«Навбаҳор» — «Қўқон-1912»
«Бунёдкор» — «Қизилқум»
29 август, шанба
«Бухоро — ОКМК
«Металлург» — «Машъал».
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)