Португалия терма жамоаси ҳужумчиси Криштиану Роналду Миллатлар лигаси доирасида Польша терма жамоаси билан ўйинда (5:1) дубль қайд этди.
Учрашувнинг 72-дақиқасида “Ан-Насср” ҳужумчиси пенальтини аниқ амалга оширди. Ўйиннинг 87-дақиқасида бу сафар ўйиндан гол урди. Учрашувда Роналду бир голга ҳаммуаллифлик қилди.
Роналду учун бу терма жамоадаги 134 ва 135-голларидир. Футбол юлдузи фаолияти давомида 910 та гол урган.
Ушбу баҳсда Португалия терма жамоаси сафида Рафаэл Леау, Бруно Фернандеш ва Педро Нету ҳам ўз ҳисобларига гол ёзиб қўйди. Меҳмонларнинг ягона голига ҳимоячи Доминик Марчук муаллифлик қилди.
Роналду миллий жамоаси сафидаги жами 132-ғалабасига эришди. Шу тариқа, 39 ёшли форвард бу борада рекордчи бўлиб турган Серхио Рамосни (Испания сафида 131 ғалаба) ортда қолдирди.
Гуруҳ босқичининг беш туридан сўнг Португалия терма жамоаси 13 очко жамғариб, биринчи ўринда бормоқда. Польша тўрт очко жамғариб, учинчи ўринни эгаллаб турибди.
Изоҳ (0)