Португалиялик 39 ёшли ҳужумчи Криштиану Роналду Миллатлар Лигаси “А” гуруҳи 1-тур учрашувида Хорватияга қарши (2:1) бўлиб ўтган учрашувда фаолиятидаги 900-голини урганидан сўнг ўз ҳис-туйғулари билан ўртоқлашди.
“Мен бу ҳақда орзу қилардим ва яна бошқа мақсадларим ҳам бор. Ҳаммага раҳмат!”, деб ёзди Роналду ўзининг ижтимоий тармоқдаги саҳифасида.
Маълумот учун, Роналду расмий ўйинларда 900 та гол урган тарихдаги биринчи футболчи бўлди. Криштиану “Спортинг” учун 5 та, “Манчестер Юнайтед” билан 145 та, “Реал” клуби сафида 450 та, “Ювентус” сафида 101 та, “Ан-Насср” клуби билан 68 та гол урган. Терма жамоа сафида футболчи 131 та гол уришга муваффақ бўлган.
4 сентябрь куни УЕФА Миллатлар Лигаси “А” Лигаси 1-тур учрашувида Португалия ва Хорватия терма жамоалари тўқнаш келди. Ўйин Лиссабондаги (Португалия) “Да Луз” стадионида бўлиб ўтди. Учрашув 2:1 ҳисобида Португалия жамоаси фойдасига ҳал бўлди.
2000 йилда Пеле Халқаро футбол тарихи ва статистикаси федерацияси (IFFHS) томонидан “Асрнинг энг яхши ўйинчиси” деб топилган. У 1363 ўйинда 1279 та гол уриб Гиннес рекордлари китобига киритилган. Футболчи урган голларнинг кўп ўртоқлик ўйинларида ҳам киритилганини алоҳида эътироф этиш жоиз.
Изоҳ (0)