Ла Лига. “Реал” 5 та гол урилган ўйинда “Вильярреал” устидан йирик ҳисобда ғалаба қозонди (видео)

Футбол бўйича Испания Ла Лигасининг 17-турида “Реал” 17 декабрь, якшанба куни “Вильярреал”га қарши баҳс олиб борди.

Учрашувнинг 25-дақиқасида Лука Модричнинг ажойиб узатмасидан сўнг Жуд Беллингҳем боши билан дарвозани ишғол қилди. 37-дақиқада эса Родриго мадридликларнинг иккинчи голига муаллифлик қилди. Биринчи бўлим 2:0 ҳисобида якунланди.

Иккинчи бўлимда “Вильярреал” ҳисобни қисқартирди. 54-дақиқада Хосе Луис Моралес ўз номини таблога ёздириб қўйди. 64-дақиқада Браим Диас рақиб дарвозасини аниқ нишонга олди. Орадан 4 дақиқа ўтиб, Лука Модрич ҳисобни йирик кўринишга олиб келди. Қолган дақиқаларда гол урилмади ва учрашув “Реал”нинг 4:1 ҳисобидаги ғалабаси билан якунланди.

Карло Анчелотти шогирдлари ушбу ғалабадан сўнг очколари сонини 42 тага етказди ва 1-ўринга кўтарилиб олди.

Ла Лига

17-тур баҳси

17 декабрь, якшанба

“Реал” – “Вильярреал” 4:1

Голлар: 1:0 – 25 Беллингҳем, 2:0 – 37 Родриго, 2:1 – 54 Моралес, 3:1 – 64 Браим Диас, 4:1 – 68 Модрич.

“Реал Мадрид”: Лунин, Алаба (Начо, 35), Рюдигер, Менди (Фран Гарсия, 46), Вальверде, Беллингҳем (Себальос, 78), Модрич, Кроос (Тчуамени, 79), Васкес, Браим Диас (Хоселу, 84), Родриго.

“Вильярреал”: Ёргенсен, Алтимира, Албиол (Куэнка, 46), Манди, Педраса, Алекс Баэна (Террац, 29), Капу, Парехо, Ахомаш (Тригерос, 74), Жерар Moreно (Серлот, 46), Моралес (Бреретон, 79).

Огоҳлантиришлар: Беллингҳем (67), Алтимира (67), Ахомаш (74), Тчуамени (84), Капу (85).